Watch fuh “two faceness” in de House

TIMES INT'L

“Two-faceness” look like a common thing with some people. Fuh a while now de “key” party joining protest by some sugar workers. Some believe that de party might have even instigate de protest. That aside, de party trying fuh create de impression that dem “championing” de sugar workers cause by claiming that de government not doing anything fuh dem. De Bell Crier “ring” about this before. Now that Ashni put a couple billions in de 2012 budget fuh help de industry, de same “key” party turn round and sehin that it is a “bail out” budget and nothing in it fuh workers!

Even if it is “bail out” budget, is nah de sugar workers gon benefit? So why de big fuss? Dem protest fuh de worker get help, now de help is there, dem objecting. That is a clear case of “two-faceness!” But is not that. Dem leff with dem “mouth open” when dem hear that de budget gon help plenty including de sugar workers! Dem frighten fuh de government help de workers, because de protest gon stop and dem wouldn’t have anything fuh “champion”. As Irfaan seh, de “key” party only looking at self interest which is also clear in de case of de Marriot and de Pegasus!

Is de same “two faceness” show up after de chief judge mek a certain ruling. De opposition “up in arms” against it yet a senior member tell de media that justice was served when de charges against de treason accused was dismissed by a magistrate! When dem get “victory”, de courts wuking, when dem don’t, it ain’t wuking! Is de same self interest. Now that de budget debates going on, when David and Khemraj speak, it ain’t necessarily mean two different opinions. Some believe that it might just be “one person” with “two faces!” Ting-a-ling-a-ling… Friend tell friend… Mattie tell mattie!

Related posts