Lack of “I-technology” would mek plenty “I-rate!”

TIMES INT'L

Everybody know how things change. Long ago school children had to use slate and pencil fuh learn fuh write and do dem school wuk. Now, dem using Ipad. Then, dem use to have a piece of twine with tin cups attached at de two ends fuh “communicate” like “cell phone”. Now, dem using I-phone and it ain’t gat anything fuh do with de Rastafarian movement! People seh de today “I-technology” is because of development as de country get modern. Everything now modern here and de country now even gat road-rage! While some always raging about de driver in front, others outraged at de traffic build-up due to de current road works.
People seh that traffic jam is one of de prices yuh gat to pay fuh development. All dem country that now develop had to go through de same thing. Some believe that is how road-rage start over there since one sign of development is being in a rush! That aside, fuh some, it look like de more development happen, is de less they “engage” in. Long ago, plenty parents was force fuh use flour bags fuh mek clothes fuh cover up dem children. Now, de children only wearing expensive brand-name clothes that can’t even cover in some cases! Apparently, de less de coverage, de more it expensive! Plenty believe even de children change.
Last Friday, was International Children’s Day and that cause plenty fuh think who really now is children. Dem seh now children all over de globe doing things like big people– dem wuking, dem meking children, dem fighting wars and so on. So dem want fuh know who de day really is for since, apparently, de days almost gone when children was children just like how reasoning by some people now non-existent!
People still can’t understand the budget cuts by the opposition and de defence of it by de “mukracker” What people know fuh sure is that de way de opposition and de newspaper going, children might have to go back to de slate and tin cup telephone! That would mek plenty I-rate! Ting-a-ling-a-ling…Friend tell friend…mattie tell mattie!

Related posts

Comments are closed.