Jokes of de week

TIMES INT'L

The opposition parties FLAPNU and KFC had a whole extra week to get dem figures right fuh de budget debates and then seh dem mek a mistake wid de transport budget, so de whole budget get cut. This is a lesson not to trust dotish people.
Then last year the opposition vote fuh de Specialty Hospital project and this year dem vote against it. It don’t look as though dem can mek up dem mind bout any ting in Parliament. De only ting Rum Jhaat sure bout is collectin money from de Feathers people.
Hen Rico get a television licence since 1997 and he can’t get any ting up and runnin yet. But de Hen busy protestin bout radio and television licence wid Mook Lall, Baddamn, Ben Cup and de people dem who de Mook pay and give food to tek part in de demonstration. What de demonstration demonstrate is that de Hen should not be complainin bout any ting.
Mahi Saul admit that he thief de UGSS money and when de people from de media question he, he seh he thief de money in de right way. See Rum and Haze Hell at de UG Bursary gon run fuh de UGSS presidency next year.
De people at de U.S. State Department open dem mouth and bad talk de Guyana guvament fuh press freedom and human rights. Well Donald put dem to dem place. When de U.S. can fix Guantanamo Bay wid all dem prisoners who dem holdin down there wid out trial, then dem can start talkin.
And when de U.S. can solve immigration problems, fix de Middle East, turn around de economy, find jobs fuh people, stop sellin guns to young people,  calm down North Korea, and pay back China all dem billions what dem borrowin, then dem can start lecturin other people.
Ting-a-ling-a-ling…friend tell friend…mattie tell mattie! De other joke of de week is wid Kiss Man Soon jumpin to fight Mal Come at de Shitty Hall. Well, after de expired mayor mek lil peace between de two of dem, de Man Kisser decide fuh kiss up Mal Come.

Related posts