De mayor can’t get a makeover

TIMES INT'L

It look like more and more people who got a dutty and dodgy past tryin to do a makeover these days. De Bell Crier had notice a long time now that de first and biggest dutty one was Mook Lall. But it got some others who want a makeover too.
De Mook is one of dem who tryin desperately fuh do a makeover so that people gon fughet he scampish, sketchy and snitchy ways. De Mook tryin really hard but he ain’t gettin thru. Wid de kinda stinkin past that he got, no amount of makeover or makeup gon wuk. Is like tryin fuh mek black paint turn to white.
Now it look like de undisputed mayor fuh life Green Ham join de Mook in de makeover list. But just like de Mook, no matter how hard Green Ham try, no amount of makeover or makeup gon wuk pun he. Is a long time now Green Ham mekkin people disappear and riggin elections. Dem two tings alone gon send Green Ham to hell even before he dead, if he not in hell already!
People got plenty words dem could use to describe Green Ham face. But one of dem bound to be bare face. Imagine Green Ham got de balls to take de media pun a tour of de **ity, tellin dem what plans he got in store fuh restore GT.
Green Ham didn’t do any ting fuh GT when he was slime minister. And since de 1990s when he turn mayor fuh life, GT get more stink wid more garbage. Wid Green Ham, more years gon past and de **ity gon get worse. De mayor promising to look after GT is like throwin water pun eddo leaf.
Ting-a-ling-a-ling…friend tell friend…mattie tell mattie! De only way de **ity can get better is if de mayor fuh life put back de Japanese money and pay he wife taxes!

Related posts