De “mystery disease” roots might be here!

TIMES INT'L

Apparently a “mystery disease” affecting plenty in a part of Uganda. Doctors baffle and can’t find a cause. Children is de victims and de symptoms include mental disabilities. Fuh now, dem calling de illness de “nodding disease”.

A similar mystery deh right here. It gat some people who, from dem action, does behave like children (no disrespect intended to de children) and look like dem symptomatic of “mentalness”. When dem gather, dem nod in agreement fuh waste away de progress de country mek. And this ain’t new. It start when a palm tree was “planted” over 50 years ago!

Even though de palm tree change “hands”, de state of “mentalness” continue. Some suh affected, dem get forgetful so that when dem speak, dem embarrassing dem self. De finance man who trying fuh be in Ashni “shadow”, meking accusation of lack of accountability. He “green” on de “edge” meking he sehin things fuh people laff.

Ashni didn’t leff he down. He remind de “shadow” man that de practice of de government now getting audit every year and a report submitted to de House, never happen when de Palm Tree was (mis) ruling! Ashni seh de “shadow” man and de Palm Tree party never had accountability even in dem shadows when dem was blocking de “sunlight” from de nation! Dem mek everything waste away meking de country bankrupt! Scientists seh wasting away is a symptom of de disease.

Then, it was a waste of time asking fuh accountability.

Now, is routine. Scientists here now convinced that this “mystery disease” might have it “roots” in de Palm Tree years back and was pass to Dictator “Idi” from Dictator “Forbsie”. Don’t be surprise if yuh see plenty foreign scientists around here! Ting-a-ling- a-ling… friend tell friend… mattie tell mattie!

Related posts

Comments are closed.